Bygma Balslev Online

Nilfisk Roof Cleaner – til at vaska takið á sethúsum

Nýggj vaskiútgerð er komin á marknaðin, sum er ætlað til at vaska húsatøk

Nilfisk Roof Cleaner er enska heitið á nýggju vøruni, sum er serliga útviklað til at vaska takið á sethúsum.
Útgerðin er ætlað húseigaranum, sum vil arbeiða sjálvstøðugt og gera arbeiðið sjálvur. Tveir lutir eru í nýggju útgerðini, nevniliga ein teleskopstong við dysu og vaskievni. Teleskopstongin kann strekkjast til 4,2 metrar, sum er fulla longdin.
Skúmtúturin hevur skúmstrálu, sum kann spræna skúm heilt upp í 11 metur hædd.
Sostatt røkkur maður at arbeiða út á 15 metrar. Nilfisk hevur eisini útviklað eitt serligt Roof Cleaner vaskievni, sum vit mæla til
verður nýtt saman við útgerðini.

Nilfisk Roof Cleaner er vælegnað til flestu sløg av sethúsatøkum. Fyrimunurin við hesari nýggju útgerðini er, at húsánarin sleppur framat at vaska takið, tó er ikki neyðugt hjá manni at fara uppá sjálva takið. Hetta er ein loysn, sum ger, at húseigarin kann gera arbeiðið sjálvur, og ikki verður neyðugt at biðja um hjálp frá serkønum til at vaska takið.

Dysan hevur konsentreraða strálu, sum við lágum trýsti leggur eitt lag av skúmi á takið. Síðani kemur føroyska veðurlagið, vindur, regn og sól, til hjálpar og loysir upp tann skitt, sum er á takinum. Dysan kann stillast í ymiskar vinklar frá 0 – 45 stig, soleiðis, at røkkast kann í hvønn krók og hvørt horn á takinum. Í sambandi við, at nýggja útgerðin verður send á marknaðin, sigur sølustjórin fyri marknaðin í

Danmark, Mikael Madsen: “Nilfisk Roof Cleaner er serliga útviklað, soleiðis, at húseigarar kunnu vaska húsartakið á lættan og tryggan hátt. Hetta er fyrsta vøran á marknaðinum, sum er útviklað til at loysa júst hesa uppgávuna. Nýggja vøran kann sjálvandi eisini nýtast til onnur endamál, sum t.d. at vaska campingvogn, auto-camper, vakstrarhús og vindeygu.
Tað er umráðandi at siga, at skipanin er tveir lutir, nevniliga sjálvur Roof Cleanerin og eitt serligt Roof Cleaner vaskievni. Tað ber væl til at nýta onnur vaskievni, men vit mæla so avgjørt til, at okkara Roof Cleaner vaskievni verður nýtt, tí tað er serliga útviklað til endamálið, og gjørdar eru drúgvar royndir við júst hesum slagnum av vaskiarbeiði.”